Átta Átta Átta

Met var slegið - við vorum átta á æfingu í gær og það var hroðalega skemmtilegt.

Dómnefnd sem undirrituð sat ekki í ákvað eftirfarandi:

Elva, Anna Margrét og Ingveldur fá framfaraverðlaun frá hausti. Sýndu fína takta í gær. Hér er mynd af þeim stúlkum :-)

Takk fyrir það!

Nýliðar ykkur er óhætt

...að mæta - við erum nefnilega með svona bolta ;-) Svíagrýluna illræmdu ;-). Ja hann er amk eins á litinn ;-) Kostar líka helling og þá er hann klárlega góður.

Svo er líka gott að vera í góðum skól með eitthvað svona fínt um hnén

Sexur í stuði

Það ætlar að ganga illa að fjölga á æfingum. Við lullum þetta í kringum hver aðra sex og sjö ;-). En þær standa sig vel allar sem ein þegar það er mætt!

Mig langar sko mest að gefa mér rós í hnappagatið fyrir snilldartakta við netið ;-) ótrúleg vörn sem ég sýndi náttúrulega - en það var einvörðungu vegna þess að ég hreyfði mig lítt úr stað og varð því að bíða róleg eftir því að boltinn kæmi til mín eða ég sæi þokkalega hvert hann stefndi - en engu að síður nokkur stig sum unnust hjá mér upp við netið.

En það er nú eiginlega ekki viðurkvæmilegt að verðlauna sjálfa sig svo tilþrifin hlýtur Sigurlín að eiga með þessar rosa uppgjafir þó þær færu svona svolítið út og suður og svo náttúrulega verður konana að fara að fá sér hnjáhlífar...

Auðvitað erum við allar hetjur; Kata og Guðbjörg eru náttúrulega bara berserkir, Sigrún Sighvats bjartsýnin uppmáluð og viljinn óbilandi, Elva er náttúrulega bara hornsteinn liðsins það er nú ekkert öðruvísi en það, nú og ég náttúrulega mæti - þó misjafnlega hölt sé. Plús til okkar allra við erum æði.

Og mikið óskaplega verður gaman þegar við verðum 10 á æfingu!

Vóhó öflugur liðsauki

Það urðu nú ekki 10 kerlur á æfingu í dag - bara svona eins og 7 en við gerum betur næst. Ég verð að sýna sjálfstjórn og mæta ekki á næstu æfingu ef ég verð ekki orðin góð í fætinum. Held það sé ekki nema til hæfilegs gagns að hafa mig sprangandi um ófæra um að hreyfa mig ;-).

Kristín Helga, Elva, Sigrún Hreiðars (rosa blakari!!!), Anna Margrét, Guðbjörg, Sigurlín og Inga mættu í dag og stóðu sig bara vel!

Við bíðum eftir ykkur hinum - Sigrún Sighvats, Jóhanna Einars, Svanhvít, Kata og þið allar - nú förum við að mæta allar einhvern tímann - náum í amk 5 manna lið! Það væri sko gaman.

Sjáumst hressar og takk fyrir æfinguna.

Blakverjur eru ekki bloggvænar

..en ég skemmti mér nú ljómandi vel hérna!

Skyldi nýtt net vera komið á morgun?

Það er nú svei mér spennandi.

Vonast til að sjá ykkur á morgun

Dómur hefur fallið

Kata mín þú náðir að halda boltanum inni. Ef boltinn lendir á bláu línunni - sama hvar þá telst hann innan vallar!

Þannig að við skuldum þér stig við Guðbjörg og Kristín!

Er ekki fólk annars til í að kvitta fyrir komuna ;-)

Eða er ég bara ein að þvælast hérna. Annars er ég að vinna í net og súlumálum - sjáum hvort við náum nýju neti fyrir næstu æfingu - það væri það. Engum manni hollt að hafa þetta net svona lágt.

Stefnum á 8 stúlkur á næstu æfingu - eru ekki Sigurlín, Kristín, Elva, Inga, Guðbjörg, Kata, Anna Margrét, Svala, Sigrún bara alveg game? Hef ekki heyrt í Bergþóru nýlega, kannski fer hún að hafa tíma til að koma aftur, vó við stefnum kannski bara á 10? Það væri það!

Mega æfing

Halló allar ;-)

Það voru sex og hálf kerla mætt á blakæfingu í gær - sem hlýtur að teljast nokkuð gott og gaman að vera fjórar öðru megin þegar er spilað ;-).

Við bjóðum Sigrúnu Sighvats hjartanlega velkomna í hópinn!

Hún fær hugrekkisverðlaunin í þetta sinn

Mér tókst að stúta á mér hælnum sem þó hafði lofað að vera svo gott sem góður og gekk um með hækju heima hjá mér í gær - það er svona spurning um að hvíla næst og horfa bara á og hrópa misheppileg komment inn á völlinn ;-).

En þetta lítur vel út - Sigurlín, Jóhanna Einars, Svala og vonandi Bergþóra eru kerlur sem við eigum uppi í erminni og vonandi skilum við okkur sem flestar á næstu æfingu.

Anna Margrét segir að við eigum boð um leik hjá Laugdælum en líklega er best að geyma þá viðureign þar til við höfum spilað 4 - 5 nokkrum sinnum í hverju liði.

Svo skulum við hver og ein reyna að veiða með okkur nýliða, það munar um hvern!

Kveðja frá Ingu sem er undir aumum hæl lögð ;-)

p.s: það er eins gott að hún Sigurlín nái þessu dómaranámskeiði sem henni datt í hug að fara á - á fimmtudegi!