Komnar í jólafrí!

Það voru hressar konur sem mættu á æfingu í dag - þær bíða spenntar eftir nýju neti og nýju ári með öllum þeim stúlkukindum sem þá bætast í hópinn ;-).

Við vorum bara góðar og hefur farið mikið fram - er það ekki bara ;-)

Magga uppgjafari

Það kom ein snót í blakliðið okkar, hún lætur ekki mikið yfir sér og ekki er hávaðanum fyrir að fara! En þegar sú stutta fer í það að gefa upp þá getum við hinar bara gefist upp samstundis. Púff - framfaraverðlaunin fara til hennar Möggu það er klárt. Til hamingju með það Magga.

Við vorum 10 á æfingu síðast sem er algjört með og vonir standa til svipaðrar mætingar það sem eftir er. Okkur bættist enn liðsafli í hópinn - hún Elín kom og Auður glímudrottning þannig að góðir hlutir eru að gerast.

Næsta mál er að skrá sveitavarginn í Hvöt og stofna þar blakdeild mikla!

Laugdælir hafa boðið okkur að koma á æfingu eftir áramótin og við stefnum ótrauðar á það náttúrulega og erum glaðar og sælar með svo gott boð. Við bíðum eitthvað með keppnina....

Líklega verður Öldungur látinn bíða þetta árið nema einhver stórkostleg tilþrifi sjáist á næstu vikum - já og ekki má nú borða yfir sig um jólin. En 2009 verður farið á Öldung það er alveg klárt og við skulum nú ekki afskrifa neitt enn híhí!

Sjáumst hressar á fimmtudaginn

IE